ސިޔާސީ
މަޖިލިސް ރައީސާއި ވަޒީރުންގެ މުސާރަ ބޮޑުކުރުން އަނބުރާ ގެންދިއުމަށް އެމްޑީޕީގެ މެންބަރުން ގޮވާލައިފި
މަޖިލިސް ރައީސާއި ވަޒީރުންނާއި ރަށު ކައުންސިލަރުންގެ މުސާރައާ ބެހޭގޮތުން މާލިއްޔަތު ކޮމިޓީން ނިންމި ނިންމުމުން ދައުލަތުގެ ޚަރަދަށް އަހަރަކު 40 މިލިއަން ރުފިޔާ އިތުރުވާނެ ކަމަށް އެމްޑީޕީގެ 12 މެންބަރުން ބުނެފިއެވެ.
މެންބަރުންގެ ހާއްސަ ހެލްތު އިންޝުއަރެންސް ކަނޑާލަން ގޮވާލާ ޕެޓިޝަނާ ބެހޭގޮތުން އިދާރާތަކުގެ ޖަވާބު ހޯދަނީ
7,225 މީހުން ސޮއިކުރި، މަޖިލިސް މެންބަރުންގެ ހާއްސަ ހެލްތު އިންޝުއަރެންސް އުވާލަން ގޮވާލާ ޕެޓިޝަނާ ބެހޭގޮތުން ކަމާބެހޭ އިދާރާތަކުގެ ޖަވާބު ހޯދުމަށް ފޮނުވާފައިވާކަން މަޖިލީހުގެ އީ-ޕެޓިޝަން ޕޯޓަލުން ފެނެއެވެ.
ދިވެހިރާއްޖެއާއި ޕާކިސްތާނާ ދެމެދު ވެވުނު އެއްބަސްވުންތަކަށް ގާތުން ނަޒަރު ބަހައްޓަމުންދާކަމަށް އިންޑިއާއިން ބުނެފި
ރައީސް މުޢިއްޒު ޕާކިސްތާނަށް ކުރެއްވި ދަތުރުފުޅުގައި ވެވުނު އެއްބަސްވުންތަކަށް ނަޒަރު ބަހައްޓަމުންދާކަމަށާއި، ބޭނުންވާ ފިޔަވަޅުތައް އަޅާނެކަމަށް އިންޑިއާގެ ބޭރުގެ ކަންތަކާބެހޭ ވުޒާރާއިން ބުނެފިއެވެ.
ދިވެހިރާއްޖެއާއި އޯމާނުގެ ފުރަތަމަ ސިޔާސީ މަޝްވަރާ މަސްކަޓްގައި ބާއްވައިފި
މަސްވެރިކަން، ދެމެހެއްޓެނިވި ފަތުރުވެރިކަން، ބްލޫ އިކޮނޮމީ އަދި އިއާދަކުރަނިވި ހަކަތައިގެ ދާއިރާތަކުގައި އެއްބާރުލުން ދިނުމާ ބެހޭގޮތުން ދެ ޤައުމުގެ ބޭރުގެ ވުޒާރާތައް އޮކްޓޫބަރު 22 ގައި މަސްކަޓްގައި މަޝްވަރާކޮށްފިއެވެ.
ތިން މަސް ދުވަހުގެ ތެރޭގައި ސަރުކާރުން 74 މިލިއަން ރުފިޔާގެ ގްރާންޓް ކަނޑާލައިފި ކަމަށް މާލެ ސިޓީ ކައުންސިލުން ބުނެފި
ވޭތުވެދިޔަ ތިން މަސް ދުވަހުގެ ތެރޭގައި ކައުންސިލަށް ދޭ ބްލޮކް ގްރާންޓުން 74 މިލިއަން ރުފިޔާ ފިނޭންސް މިނިސްޓްރީން ކަނޑާލާފައިވާ ކަމަށް މާލެ ސިޓީގެ މޭޔަރު އާދަމް އާޒިމް ބުދަ ދުވަހު ވިދާޅުވެ، ހިދުމަތްތަކާއި މުވައްޒަފުން ނެގުމަށް ސަރުކާރުން ހުރަސް އަޅަމުންދާ ކަމަށް ތުހުމަތުކުރެއްވިއެވެ.
އޮޑިޓަރ ޖެނެރަލްގެ އޮފީހަށް 133.6 މިލިއަން ރުފިޔާގެ ބަޖެޓެއް މަޖިލީހުން ފާސްކޮށްފި
އޮޑިޓަރ ޖެނެރަލްގެ އޮފީހުގެ 2027 ވަނަ އަހަރުގެ ބަޖެޓު ކަމަށް 133.59 މިލިއަން ރުފިޔާ، ދެކޮޅަށް ވޯޓެއް ނުލިބި މަޖިލީހުން ފާސްކޮށްފިއެވެ. މިއީ މިއަހަރުގެ ބަޖެޓަށްވުރެ 1 ޕަސެންޓް ދަށް އަދަދެކެވެ.
ރަސްމާލޭގެ ޕްރޮޕަޓީ އަނބުރާ ވިއްކޭނީ ހަމައެކަނި ސަރުކާރަށް: ރައީސް މުއިއްޒު
ރަސްމާލޭގެ ޕްރޮޕަޓީތަކުގެ ފުރިހަމަ ކޮންޓްރޯލް ސަރުކާރުގެ އަތުގައި ބެހެއްޓޭނެ ކަމަށާއި، 99 އަހަރުގެ ލީސްގައި ގަންނަ ފަރާތްތަކަށް އެތަން ވިއްކޭނީ ހަމައެކަނި ދައުލަތަށް ކަމަށާއި، މުޅި މަޝްރޫޢުގައި ދިވެހި ޤާނޫނު ހިނގާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ވިދާޅުވެއްޖެއެވެ.
ރަސްމާލޭގެ ބިމުގެ ކުލީގެ މުއްދަތު އޮޓޮމެޓިކުން އަލުން އާނުކުރާނެ: ސަރުކާރު
ރަސްމާލޭގެ އެއްވެސް ބިމެއް ކުލީގެ މުއްދަތު އޮޓޮމެޓިކުން އަލުން އާވާ ޝަރުތަކަށް ދޫނުކުރާނެ ކަމާއި، ބިމެއްވެސް ބިދޭސީންގެ މިލްކަށް ނުދެވޭނެ ކަމަށް ހައުސިންގ މިނިސްޓްރީން މަޖިލިހަށް ބުނެފިއެވެ. ބިމުގެ ޕްރީމިއަމްގެ ގޮތުގައި ދައުލަތަށް USD 3.1 ބިލިއަން ހާސިލުވާނެކަމަށް ލަފާކުރެއެވެ.