ބ. އަތޮޅުގައި ހިންގާ ސީސައިޑް ކަލެކްޝަންގެ ރިސޯޓެއް ކަމަށްވާ ފިނޮޅު ބާ އެޓޯލްގެ ޑެޕިއުޓީ ޖެނެރަލް މެނޭޖަރުގެ މަގާމަށް އިޝާން ހުސައިން ހަމަޖައްސައިފި ކަމަށް އެ ރިސޯޓުން ނޮވެމްބަރު 2026 ގައި އިއުލާނުކޮށްފިއެވެ. އޭނާ ކުރިން ހުންނެވީ އެ ރިސޯޓުގެ ރިސޯޓް މެނޭޖަރުގެ މަގާމުގައެވެ.

އެ ރިސޯޓުން ބުނި ގޮތުގައި އިޝާންއަކީ ފަތުރުވެރިކަމުގެ ދާއިރާގައި 25 އަހަރަށް ވުރެ ގިނަ ދުވަހުގެ ތަޖުރިބާ ހުރި ބޭފުޅެކެވެ. އޭނާގެ ކެރިއަރު ފެއްޓެވީ ރިސެޕްޝަނިސްޓެއްގެ ގޮތުގައެވެ. އަދި އޭގެ ފަހުން ފްރަންޓް އޮފީސް މެނޭޖަރު، ރޫމްސް ޑިވިޜަން މެނޭޖަރު އަދި އެގްޒެކެޓިވް އެސިސްޓެންޓް މެނޭޖަރުގެ މަގާމު ފުރުއްވާފައިވެއެވެ.

2016 އިން ފެށިގެން ފިނޮޅުގައި

އިޝާން ފިނޮޅާ ގުޅިވަޑައިގަތީ 2016 ގައެވެ. އަދި އޮކްޓޫބަރު 2023 ގައި އޭނާ ވަނީ ރިސޯޓް މެނޭޖަރުގެ މަގާމަށް ޕްރޮމޯޓްވެފައި ކަމަށް އެ ރިސޯޓުން ބުންޏެވެ. އެ މަގާމުގައި އޭނާ ވަނީ ރިސޯޓުގެ ދުވަހުން ދުވަހަށް ހިންގާ އޮޕަރޭޝަންތައް ބަލަހައްޓަވައި، އެތަނުގެ ލީޑަޝިޕް ޓީމުތައް ކުރިއެރުވުމަށް އެހީތެރިކަން ފޯރުކޮށްދެއްވާފައެވެ.

މި އާ މަގާމުގައި އިޝާން މަސައްކަތް ކުރައްވާނީ ޚިދުމަތުގެ ފެންވަރު ރަނގަޅުކުރުމާއި، މެހެމާނުންގެ ހިތްހަމަޖެހުން އިތުރުކުރުމާއި، އަދި ހުނަރުވެރިން ބިނާކުރުމަށް އިސްކަންދީގެން ފިނޮޅުގެ ސްޓްރެޓީޖިކް އަދި އޮޕަރޭޝަނަލް މިސްރާބަށް އެހީތެރިވެދިނުމަށެވެ. އެ ރިސޯޓުން ބުނި ގޮތުގައި އޭނާގެ ލީޑަޝިޕުން ޚާއްސަ އަހައްމިއްޔަތުކަމެއް ދެއްވަނީ މީހުން ބިނާކުރުމަށާއި ގުޅިގެން މަސައްކަތްކުރުމަށެވެ. އަދި އޭނާގެ ކެރިއަރަކީ ފަތުރުވެރިކަމުގެ ދާއިރާއިން ދިވެހި ހުނަރުވެރިން ކުރިއެރުވުމަށް ފިނޮޅުން ދޭ އަހައްމިއްޔަތުކަން ރަމްޒުކޮށްދޭ ކަމެކެވެ.

ފިނޮޅާ ބެހޭގޮތުން

ފިނޮޅު ރިސޯޓު އޮންނަނީ ޔުނެސްކޯ ބަޔޮސްފިއަރ ރިޒާވެއްގެ ގޮތުގައި ކަނޑައަޅާފައިވާ ބ. އަތޮޅުގައެވެ. އަދި އެ ރިސޯޓުގައި އަތިރިމައްޗާއި ފަޅުތެރޭގައި ހަދާފައިވާ 125 ވިލާ އާއި ދެ ކިލޯމީޓަރުގެ ދިގު ވެލިގަނޑެއް (ފިނޮޅެއް) އޮންނަ ކަމަށް އެ ރިސޯޓުން ބުންޏެވެ. މި ރިސޯޓުގެ ނަން ނިސްބަތްވަނީ ދިވެހި ބަހުން ވެލިގަނޑަށް ކިޔާ "ފިނޮޅު" މި ނަމަށެވެ.

2026 ވަނަ އަހަރު، ޓްރެވަލް ޓްރޭޑް މޯލްޑިވްސް (ޓީޓީއެމް) އެވޯޑްސްގައި މި ރިސޯޓަށް އެންމެ މޮޅު ކެއުންތައް ލިބޭ ރިސޯޓުގެ އެވޯޑް (ބެސްޓް ކަލިނަރީ ރިސޯޓް) ލިބިފައިވާއިރު، ވޯލްޑް ފެޝަން ޗެނަލް ގްލޯބަލް ޑެސްޓިނޭޝަން އެވޯޑްސްގައި ރާއްޖޭގެ އެންމެ ފުރިހަމަ ޑިޒައިން ހިމެނޭ ރިސޯޓުގެ ޝަރަފު ވަނީ ލިބިފައެވެ. މީގެ އިތުރުން މިޝެލިން ގައިޑް (MICHELIN Guide) 2026 ގެ ލިސްޓުގައި ވެސް އެ ރިސޯޓު އަލުން ހިމެނިފައިވާ ކަމަށް ބުންޏެވެ.

ފިނޮޅަކީ ޖަރުމަނުގެ އާއިލީ ވިޔަފާރިއެއް ކަމަށްވާ ތިއޯ ގާލަކް އުފެއްދެވި، އަދި މިހާރު އަނުޝްކާ އަދި ގްރެގޯ ގާލަކް އިސްކޮށް ހުންނަވައިގެން ހިންގަވާ "ސީސައިޑް ކަލެކްޝަން" ގެ މިލްކިއްޔާތެކެވެ. މި ގްރޫޕުގެ ދަށުން ޖަރުމަނާއި، ސްޕެއިން އަދި ރާއްޖޭގައި 11 ހޮޓަލާއި ޕްރޮޕަޓީ ހިންގަމުންދާއިރު، އޭގެ ތެރޭގައި ބ. އަތޮޅުގައި ހިންގާ ޑޮޓް ހިއަރ (Here Baa Atoll.) ވެސް ހިމެނެއެވެ.

ގުޅޭ ޚަބަރު: .ހިއަރ ބ. އަތޮޅުގައި ނޯވެއަރ ޕްރައިވެޓް އައިލެންޑް ހުޅުވައިފި | 2026 ގެ މިޝެލިން ގައިޑްގައި ރާއްޖޭގެ 15 ރިސޯޓަކަށް މިޝެލިން ކީ