އެޕްތަކާއި ވެބްސައިޓުތަކާއި އީމެއިލް، އެސްއެމްއެސް އަދި ވަޓްސްއެޕް މެދުވެރިކޮށް ކަސްޓަމަރުންނަށް ޚާއްސަ މެސެޖުތައް ފޮނުވުމަށް ވިޔަފާރިތަކުން ބޭނުންކުރާ ބްރޭޒް، ގާތްގަނޑަކަށް 5.66 ބިލިއަން ޑޮލަރަށް ގަތުމަށް ސޭލްސްފޯސް އެއްބަސްވެއްޖެއެވެ.
20 އޮކްޓޫބަރުގައި އިއުލާންކުރި އެއްބަސްވުމުގެ ދަށުން، ބްރޭޒްގެ ކްލާސް އޭ ހިއްސާގެ ވެރިންނަށް ކޮންމެ ހިއްސާއަކަށް 47.50 ޑޮލަރު ނަގުދު ފައިސާއިން ލިބޭނެއެވެ. ބްރޭޒްގެ ހިއްސާދާރުންނާއި ރެގިއުލޭޓަރުންގެ ހުއްދަ ލިބުމާ ގުޅިގެން، ސޭލްސްފޯހުގެ 2028 ވަނަ މާލީ އަހަރުގައި މި މުއާމަލާތް ނިމޭނެ ކަމަށް ލަފާކުރެވެއެވެ.
ބްރޭޒްގައި ކެންވާ، އިންސްޓަކާޓް އަދި ވެންމޯ ފަދަ ގާތްގަނޑަކަށް 2,770 ކަސްޓަމަރުން ތިބެއެވެ. ބްރޭޒްގެ ރިއަލް ޓައިމް ހިދުމަތްތަކާއި އޭއައި ޓޫލްތަކުން، ސޭލްސްފޯހުގެ މާކެޓިންގ ކްލައުޑާއި އޭޖެންޓްފޯސް އޭއައި އޭޖެންޓުތައް ވަރުގަދަވާނެ ކަމަށް ސޭލްސްފޯހުން ބުނެއެވެ.
ކަސްޓަމަރުންގެ ލައިވް ހަރަކާތްތައް، ބޮޑު މިންވަރެއްގައި ޚާއްސަ ގުޅުމަކަށް ބަދަލުކުރުމަށް ބްރޭޒް ބިނާކުރެވިފައިވާ ކަމަށް ސޭލްސްފޯހުގެ އެޕްލިކޭޝަންސް އެންޑް މާކެޓިންގ ޕްރެޒިޑެންޓް ޕެޓްރިކް ސްޓޯކްސް ވިދާޅުވިއެވެ.
މުއާމަލާތަށްފަހުވެސް ބްރޭޒްގެ ގޮތުގައި މަސައްކަތް ކުރިއަށް ގެންދާނެ ކަމަށް، ބްރޭޒްގެ ސީއީއޯ އަދި ގާއިމުކުރި ބޭފުޅެއް ކަމަށްވާ ބިލް މެގްނުސަން ވިދާޅުވިއެވެ.
މި ގަތުމުގެ ސަބަބުން، މިހާރުގެ މާލީ އަހަރަށް ކުރި ލަފާތަކަށް ބަދަލެއް ނައާނެ ކަމަށް ސޭލްސްފޯހުން ބުނެއެވެ.